• 首頁
  • 即時比分
  • 籃球NBA
  • 國際足球
  • 中國足球
  • 綜合體育
  • 彩市動態
  • 賽事分析
  • 報紙波經
  • 亞運會
  • 球壇百科
  • 首頁 > 報紙波經 > 太陽報 > 正文

    孫興民避戰熱刺難摘紅星

    時間:2019-11-06 08:37:34來源:互聯網
    另一場B組賽事,熱刺作客斗貝爾格萊德紅星;熱刺今季作客未贏過,而且今場仲有可能冇埋兩大射手哈利卡尼及孫興民,讓唔起主場特醒嘅紅星,紅星讓球主勝捧得過。

    (myTV Gold 303、Now 643、有線616及656臺周四凌晨4時直播)

    上屆歐聯亞軍熱刺今季表現大跌Watt,除咗英超排名跌出前10名,聯賽連盃賽踢咗8場作客只得5和3負,除咗英聯盃斗英乙仔高車士打賽和0比0,其馀7場加埋失14球,包括首場分組賽作客奧林比亞高斯喺領先2球下被對手逼和2比2,而且熱刺今場仲有可能冇埋兩大射手哈利卡尼同孫興民。哈利卡尼上場對愛華頓因病毒感染缺陣,要經過體測先知能否趕及上陣。

    孫興民則因為情緒不穩好大機會避戰,事關孫興民上場英超一次從后攔截,搞到愛華頓葡萄牙中場安祖高美斯斷腳,據報孫興民領紅牌后返回更衣室后,一直失控狂喊,到球隊離開葛迪遜公園球場,孫興民依然抬唔起頭失曬魂,望都冇望在場苦苦等候嘅南韓傳媒就離開,而且全程不發一言兼冇開電話,唔想同任何人接觸,返到倫敦即一支箭閃返屋企。熱刺見勢色不對已為佢提供心理治療,不過由于心情未平復,今晚好大機會缺陣。稍為安慰係高美斯成功接受手術,今季雖提早收咧,但日后應可100%康復重返球場。

    貝爾格萊德紅星主場硬淨
    貝爾格萊德紅星上場作客熱刺雖慘吞5蛋,不過佢哋上屆3場主場分組賽先后打和拿玻里及擊敗利物浦,只係最后一輪例行公事輸畀巴黎圣日耳門,主場威力唔可以睇小,依家佢哋排小組第3,只比熱刺少1分,今場贏波就可升上第2位,搶得出線主動權,主場出擊必定拚盡,受讓捧得過。

    聲明:本網站所收集文字、圖片等內容均系網民撰寫或程序在互聯網中自動收錄轉載,文章著作權歸原作者所有,內容為作者個人觀點。轉載的目的在于非盈利傳遞更多信息及用于網絡分享,并不代表本站贊同其觀點和對其真實性負責,也不構成任何其他建議,只供參考之用。本網站不保證信息的準確性、有效性、及時性和完整性。

    如果您發現網站上有侵犯您的知識產權的作品和其它問題,請與我們取得聯系,我們會及時修改或刪除。

    西甲视频直播