• 首頁
  • 即時比分
  • 籃球NBA
  • 國際足球
  • 中國足球
  • 綜合體育
  • 彩市動態
  • 賽事分析
  • 報紙波經
  • 亞運會
  • 球壇百科
  • 首頁 > 報紙波經 > 太陽報 > 正文

    阿仙奴大騷Encore

    時間:2019-11-06 08:38:12來源:互聯網
    再砌甘馬雷斯斗攻
    周三晚上演歐霸獨腳戲,F組賽事甘馬雷斯主場再斗阿仙奴。「兵工廠」后防甩漏甚多睇見都唔開胃,惟有靠前線爭氣入多幾粒,主隊甘馬雷斯上仗歐霸曾兩度領先阿仙奴,今場隨時再次搶攻,預計雙方會踢得開放,中位數2.5球入球大值得留意。

    (myTV Gold 303、Now 643、有線616及656臺周三晚11時50分直播)

    阿仙奴啱啱喺英超硬撼狼隊,喺先領先1球情況下,后防又唔生性出現走漏人情況,最終畀狼隊逼和1比1。計埋呢場,阿仙奴近4仗場場有失波,其中3次開3球或以上,包括早前英聯盃法定時間內同利物浦上演5比5入球大戰。

    馬天尼利歐霸頻有斬獲
    好彩歐霸分組賽對手實力麻麻,可以畀一班「槍手」睇定嚟踢,發揮因此較為穩定,其中喺英超鮮有機會上陣嘅新星加比爾馬天尼利,就成功把握歐霸出場機會頻頻有士哥,今屆已經斬獲3球,幫助球隊頭3輪分組賽全勝。計埋上屆,「兵工廠」近5場歐霸盃分組賽贏曬,其中4次開3球或以上,絕對係畀小將們練兵嘅好機會。

    葡超代表甘馬雷斯歐戰經驗不足,上輪作客阿仙奴喺兩度領先下,最終都難逃2比3輸波命運,不過都睇得出甘馬雷斯進攻板斧唔算太差。目前3戰全敗喺F組墊底嘅甘馬雷斯,為保住躋身淘汰賽最后希望,今場焗住搶攻,乘主場之利隨時再同阿仙奴斗攻,中位數2.5球入球大咪錯過。

    聲明:本網站所收集文字、圖片等內容均系網民撰寫或程序在互聯網中自動收錄轉載,文章著作權歸原作者所有,內容為作者個人觀點。轉載的目的在于非盈利傳遞更多信息及用于網絡分享,并不代表本站贊同其觀點和對其真實性負責,也不構成任何其他建議,只供參考之用。本網站不保證信息的準確性、有效性、及時性和完整性。

    如果您發現網站上有侵犯您的知識產權的作品和其它問題,請與我們取得聯系,我們會及時修改或刪除。

    西甲视频直播